Generelle Tips - نصائح عامة

 بسم الله الرحمن الرحيم

البلوج دي الهدف منها الاشارة الى بعض الادوات المساعدة و المعلومات الصغيرة و النصائح العامة المهمة اثناء تعلم اللغة الالمانية

ترتيب نقاط او النصائح ليس دليل علي ترتيب اهميتها.

1. ازاي اعرف ان الكلمة بتاخد Der - Die -Das?!

الاجابة:

بالأضافة ان في ابلكيشن اسمة 

Der Die Das

مفيد جدا ايضا

2. اية الفرق بين الدراسة في سنتر و الدراسة من البيت؟

الدراسة من سنتر لها مميزات و عيوب

المميزات: ان يبقي وراك مدرس يصحح لك في حالة خطائك سريعا .. يتابع تقدمك ... يديك نصائح في حالتك انت منفردا عن باقي المجموعة (دا لو مدرس عندة ضمير) .. امتحانات كل 4 دروس مثلا.

العيوب: المبالغ الكبيرة احيانا في بعض السنترات او ان احيانا في طالب بيكون غير قادر بسبب دخلة انة ياخد كورس .. احيانا بعد السنتر عن البيت .. استظراف الطلاب ف السنتر و تضييع الوقت 

(انا كنت بديهم ع دماغهم و انا طالب و وانا مدرس عادي 😁)

ظروف شغل بعض الطلاب بتكون غير متناسبة مع مواعيد الكورس

و العكس تماما في البيت

عيوب هنا هي مميزات هنا

3. امتي يكون افضل لي اني انزل اخد كورس ف سنتر؟

فقط لو عارف ان عندك مشكلة في الالتزام .. يعني لو ذاكرت من البيت درسين و مبتكملش.

4. اية افضل ابلكيشن موجود فية تصريفات الافعال كلها في كل الازمنة؟

في ابلكيشنزس كتير في الستور .. لكن الى انا استخدمتة كتير كان

Verben

5. لو انا مستوايا متقدم بالفعل  ... مثلا 
B1 او A2
يعني مش حبداء من الصفر  .. اذاكر ازاي

لو انت ف

A2

كمل مع فراو هند و كتاب مينشن لحد ما تخلص 

B1

.. طيب لو انت بالفعل مخلص ال B1
هنا تدخل ي كتاب بي جراماتيك و كتاب Hören und Sprechen B2
مباشرة.

6. اثناء حل التمارين من كتاب التدريبات في مينشن 

خصوصا و انت في البيت بتذاكر لوحدك

الافضل انك تركز علي التدريبات الاتية:

Basistraining + Test

و الصفحة الى قصاد التيست Lernwortschatz بتذكر نفسك و بتترجم فيها اهم الكلمات الى اتعلمتها من الدرس دة ... كنوع من التذكرة

و التدريبات بتاعت ال 

Hören - Aussprache - Lesen 

عديها .. مش حنحلها .. لانها المفروض تتحل مع جروب او مع مدرس ... و كدة كدة دي مهارات بتيجي مع الوقت ممكن نعملها بس لو معانا وقت  زيادة لكن انا مش عايزك تحرق بنزين كتير ف حاجة مش وقتها او ممكن تخطاها .. خلينا ف المهم و في البلوج الثانية حنلاقي وسائل اخري للأستعاضة عن التمارين دي خصوصا في اول مستوي )

______________________________

اطلب منكم فقط الدعاء

سيتم تحديث البلوج تباعا بأذن الله في حالة وجود اسئلة متكررة اخري.